Константин Кајшаров, Македонија

Пастор Константин Кајшаров е христијански душогрижник за луѓето и се стреми тие да ја имаат верата во Господ Исус Христос и да живеат со Божјото Слово. Тој иако е магистер по кинезитерапија и магистрант на студиите по клиничка психологија, и секојдневно ја применува науката со намера да им помага на луѓето, тој сведочи дека Господ Исус Христос е жив, дека Тој исцелува и дека ништо освен Господ не може да биде решение за било каков проблем со кој луѓето се соочуваат.

Konstantin Kaysharov Ministries ® или служењето на Пастор Константин Кајшаров во Име на Господ Исус Христос, се карактеризира со:

1.Служба за исцелување

2.Служба за ослободување

3.Институт за ревитализација

4.Служба учеништво

5.Служба за евангелизација и проповеди

6.Служба за Славење на Бог

7.Интернационална Христијанска Академија

8.Клуб „Луѓе по Патот“

Служењето на Пастор Константин Кајшаров е надвор од деноминација и религиозност, и овозможува практична духовност - како да се живее со молитва и христијански во ова време - затоа тој ја нарекува Мисија Живо Христијанство како што Бог тоа му го покажа.

Тој е Божји служител, инструмент низ кој протекува Божјата Милост до сите луѓе кои копнеат по вистинска духовност, кои се жртви на тешките судбини и демонски напади; болни и жедни за Вистината Божја. Чудата на исцелувања кај луѓето, ослободувањето од нечисти сили и преобразбата на човечките животи се постојани благослови во службата на Пастор Константин кои доаѓаат од Бога. Сето ова се случува за Славење на Името на Господ Исус Христос.

Неуморноста во динамичноста на Пастор Константин Кајшаров, тој ја објаснува преку стихот од Новиот Завет: „Сè можам преку Христа кој ми дава сила.” - Филипјани 4:13

Тема:

„Царството Небесно“

•Што е Царството Небесно?

•Каде се наоѓа?

•Кога ќе дојде?

Васил Петров, Бугарија

Васил Петров заедно со својата сопруга Атанаска од 1996 год. се посветуваат во пастирско служење во локалната црква во Бугарија, а во 1997 год. е повикан од страна на раководството на Бугарската Божја Црква да служи како Епископ.

Служењето на епископ Васил Петров заедно со сопругата допира како кон бугарски, така и кон турски и ромски општини. Се карактеризира со исцелително-ослободителна служба и преку силата на Светиот Дух допираат до луѓето за да ја живеат победата над гревот, депресијата, болеста и бедата.

Епископ Васил Петров често патува на различни конференции за да сведочи и да Го проповеда Словото. Има активна интернет црква со неделни проповеди во живо. На овој начин служењето допира до луѓето, сведочејќи за Божјото интервенирање и Божјите чуда во нивниот живот. Автор е на книгата „Како во огледало“ и „Светилник“.

Тема:

„Христовата победа над смртта“

Смртта ќе биде уништена како последен непријател. - 1 Коринтјани 15:26

•Дали целосно е победена силата на смртта?

•Дали навистина Христос ги победи смртта и пеколот?

•Дали може човекот да се подготви за идниот свет?

Тоа се прашања кои помалку или повеќе ги загрижуваат сите човечки души било да се верници или не. Во Библијата многу се зборува за совршениот план на Небото, преку кој многубројната популација на земјата ја добива својата шанса за спасение.

Значењето на тој Божествен план е собрано во едно единствено име ИСУС. Бог го испрати во светот својот возљубен Син Исус Христос, за да не загине ниту еден кој ќе поверува во Него и да има вечен живот. Најдоброто допрва претстои, а тоа ќе се сподели преку Божјото Слово на оваа конференција.

Питер Халторп, Норвешка

Еминентен бас гитарист на возраст од 45 години, семеен човек со сопруга и 4 деца. Завршил Магистерски студии по Религија и Етика и работи како Професор по музика, религија и Англиски јазик. Сака да работи со младите, а посебно се фокусира на музиката.

Во последните 30 години свирел на безброј настапи низ Норвешка и бил гостин во многу земји како музичар. Во моментов работи на книга за односите во семејството.

Тема:

„Музиката и инструментите како дел од службата за славење на Бога“

•Да се слави Бог

•Вештини за славење

•Вистински став кон Бога и водачите на Црквата

•Употреба на инструментите во служењето на луѓето

Тор Ундхајм, Норвешка Служи како пастор во Црквата Nettverkskirken во Осло уште од 1991 год. а во последните неколку години е и Директор на Network Mission.

Бог му упатил посебен позив за да дојде во Македонија во 1991 год.: „Дојди во Македонија и помогни ни!“. После неколку години Бог им дал пророчки збор: „Мајката земја ќе даде род повторно!“. Веруваат во оживувањето во земјите каде Радосната Вест се прошири уште на почетокот. Заедно со Кел Халтроп ја спроведуваат Мисијата „Посегни до нациите“ во Средниот Исток, Турција, Балканот и Грција од 1991 год.

Тој се стреми и работи на тоа да ги види луѓето како постануваат ученици на Исус, обновени и ослободени за победа и служење на останатите. Тор ја сака Црквата, Божјото семејство, и има дар и мотивација од Бога да ги охрабрува луѓето да видат кои се всушност тие самите во Христа и да го видат својот потенцијал, да Му служат на Бога во љубов и сила.

Има прекрасна сопруга, 3 ќерки и 5 внуци кои се најголемиот дар од Бога.

Тема:

„Живата Црква - учениците на Исус“

• Како Исус ги повикува луѓето

• Неговата програма за обука

• Како Тој ги испраќаше учениците (Марко 1-4, Лука 10)

• Моделирање на Црква

• Пентакост - важноста од Светиот Дух и како тоа ги промени учениците и ја формираше раната Црква (Дела Ап. 1-4)

ИНТЕРНАЦИОНАЛНИ ПРЕДАВАЧИ ЗА СВЕТА МУГРА 2014

Глен Расмусен, Норвешка

Го запознал Исус пред 27 години. Го отворил својот дом и повеќе од 80 луѓе се приближиле кон Христа. Неговата служба е Водач за славење на Бога, работа со млади и ко-пастор, како и Директор на Библиската школа во Арендал веќе 15 години. Патувал низ светот како учесник во различни мисии за Бога.

Оснивал цркви, детска градинка и христијанско основно училиште. Во 2005 год. поминувал низ професионални и емотивни потешкотии кои траеле 2 години, но потоа бил обновен од Исус и неговата вера станала посилна од било кога пред тоа.

Оснoвал неколку бизниси, а во моментов работи со три од нив. Неговата страст е музиката. Оженет е повеќе од 30 години, има 4 ќерки и 4 внуци. Ја сака свoјата фамилија и животот и ја споделува својата приказна на луѓето со ревност за Радосната Вест и Исус.

Тема:

„Активирање на верата во секојдневниот чекор со Исус“

•Сведоштво

•Неговото искуство во секојдневието со верата во Исус

•Охрабрување на луѓето да го слушаат Бога, да се покорни и да ги видат Божјите чуда - спасението, исцелувањето и ослободувањето од стегите и прангите

•Служење на луѓето преку песни и пророчки зборови - употреба на даровите од Светиот Дух

ИНТЕРНАЦИОНАЛНИ ПРЕДАВАЧИ ЗА СВЕТА МУГРА 2014

Дејвид Гленфилд, Англија

Дејвид Гленфилд заедно со неговата сопруга Дајана биле пастори во Црквата „Full Faith Gospel“ во Англија преку десет години пред да се пензионираат. За време на нивната служба во Велика Британија и во светот биле сведоци на многу чуда на исцелување, ослободување и излеани дарови секогаш кога се зборувало за Радосната Вест и верата во Исус Христос.

Во 2011 г. Дејвид доживеал силен инфаркт, а преживеал зашто побарал исцелување врз основа на верата во Словото и Силата Божја. Денес тој проповеда и служи со даровите на Светиот Дух насекаде каде што Бог го води.

Тема:

„Божјиот план за исцелување и исполнување на потребите на човештвото преку Исус Христос“

•Божјата Волја е исцелување

•Исцелувањето во спасението

•Исцелувањето во Служењето во Име на Исус

•Исцелувањето денес

•Пречки во исцелувањето